नाबालिका बलात्कारमा व्यापारी चटौतलाई १८ वर्ष कैद र पीडितलाई ८ लाख क्षतिपूर्तिको फैसला

२७ चैत, काठमाडौं । आफ्नै घरमा काम गर्ने १४ वर्षीया नाबालिकामाथिको जबर्जस्ती करणीको मुद्दामा व्यापारी सुशील चटौतलाई १८ वर्ष १ महिनाको कैद सजाय सुनाएको छ । 

जिल्ला अदालत ललितपुरकी न्यायाधीश सीता शर्मा अधिकारीको इजलासले चटौतलाई जेल सजायका अतिरिक्त पीडित सातदोबाटो (९८)लाई ८ लाख क्षतिपूर्ति भराउन फैसला गरेको हो । 

कक्षा ८ मा अध्ययनरत रहेका बेला चटौतले ति बालिकामाथि २०७८ चैत २४ मा करणी गरेको उजुरी प्रहरीमा परेको थियो । अनुसन्धानपछि ललितपुर जिल्ला अदालतमा चटौतविरुद्ध मुद्दा चलाइएको थियो ।

प्रतिवादी चटाैतलाई कैद र पीडिलाई क्षातिपूर्ति भराउन फैसला भएकाे अदालतका प्रवक्ता राजेन्द्र लुइँटेलले बताए ।