रास्वपा सांसद श्रेष्ठको पहिलो अडियो संवादमाथि अनुसन्धान सुरु

२८ चैत, काठमाडौं । अख्तियार दुरुपयोग अनुसन्धान आयोगले राष्ट्रिय स्वतन्त्र पार्टी (रास्वपा) का सांसद ढाकाकुमार श्रेष्ठ र मेडिकल व्यवसायी दुर्गा प्रसाईंबीचको अडियो संवादमाथि अनुसन्धान सुरु गरेको छ । आयोगले सोमबारदेखि अडियो प्रकरणमा अनुसन्धान थालेको जनाएको छ । श्रेष्ठले मेडिकाल व्यवसायी दुर्गा प्रसाईसँग स्वास्थ्यमन्त्री हुन पार्टीको कोर टिमले दुई करोड मागेको अडियो सर्वाजनिक भएको थियो ।

रास्वपाले छानविनका लागि पत्र पठाएपछि आयोगले अनुसन्धान थालिएको जनाएको छ । श्रेष्ठले आफु स्वास्थ्यमन्त्री भएपछि प्रसाईंको मेडिकाल व्यवसयामा सहयोग गरिदिने भन्दै २ रकम आफुलाई दिन भनेको थिए । प्रसाईंका काम गराइदिने र मिलेर देश बनाउने भन्दै सांसद श्रेष्ठले घूस मागेको अडियो आइतबार कपूरबोट टीभीले सार्वजनिक गरेको थियो । यो अडियोबारे सार्वजनिक बहस सुरु भएसँगै अख्तियारले अनुसन्धान थालेको हो ।

घूस संवादबारे अख्तियारका पदाधिकारीबीच सोमबार छलफल भएको थियो । घूस प्रकरणबारे अडियो र  समाचारलाई प्रमाण मानेर अनुसन्धान अघि बढाएको छ । अख्तियारले मन्त्री बन्न आफ्नै दलको नेतृत्वलाई पैसा बुझाउनुपर्ने भएको र रकम जोहो गरिदिन एक सांसदले मेडिकल व्यवसायीलाई गरेको अनुरोधलाई नोटिसमा लिएर अनुसन्धान सुरु गरेको जनाएको छ ।