विदेशी तरकारी, फलफूल र खाद्यान्नको विषादी परीक्षण गर्ने सरकारको निर्णय

२८ चैत, काठमाडौं । सरकारले विदेशबाट आयात गर्ने तरकारी, फलफूल र खाद्यान्नको विषादी परीक्षण गर्ने निर्णय गरेको छ ।

आज बसेको मन्त्रिपरिषद् बैठकले विदेशबाट आयात हुने तरकारी, खाद्यान्न विषदी परीक्षणमा सफललाई आयात गर्न दिने निर्णय गरेको हो । स्वदेशमा उत्पादित तरकारी र खाद्यान्नको विषादी परीक्षण गर्ने निर्णय भएको छ । 

नेपालमा मुख्यगरी भारतबाट तरकार र खाद्यान्न आयात हुँदै आएको छ । भारतबाट आयात हुने तरकारी सहित खाद्यान्नको विषादी परीक्षण रोकेको भन्दै आलोचना भइरहेको बेला परीक्षण गराएर मात्र आयात गर्न दिने निर्णँय गरेको हो । 

संसदीय समितिबाट तयार गरेको विधेयकका आधारमा विदेशबाट आयात हुने तरकारी र विषादीको परीक्षण गर्ने निर्णय गरेको सञ्चारमन्त्री रेखा शर्माले जानकारी दिइन् ।