प्रहरीले भीड हटाएपछि उद्योग वाणिज्य महासंघको मतदान सुचारु

२९ चैत, काठमाडौं । मतदानस्थलमा होहल्ला मच्चिएपछि अवरुद्ध भएको नेपाल उद्योग वाणिज्य महासंघको मतदान कार्य सूचारु भएको छ । 

मतदानस्थलमा केही अराजक समूहले होहल्ला मच्चाउँदा १ घण्टा भन्दा बढी समय मतदान रोकिएको थियो । प्रहरीको टोलीले भीडलाई हटाएपछि मतदान सुचारु भएको हो । 

मतदाताहरुले अहिले लाइनमा बसेर मतदानमा भाग लिइरहेका छन् । उम्मेदवारहरूकाे प्रचारलाइ सभ्य बनाउन निर्वाचन समितिले आग्रह गरेकाे छ ।

चुनवामा वरिष्ठ उपाध्यक्षका उम्मेदवारहरू अञ्जन श्रेष्ठ, उमेशलाल श्रेष्ठ र रामचन्द्र संघई रहेका छन् । चुनावबाट विजयी वरिष्ठ उपाध्यक्ष नै आगामी ३ वर्ष पछाडि महासंघमा स्वतः अध्यक्ष बन्ने विधान छ । अहिलेका वरिष्ठ उपाध्यक्ष रहेका चन्द्रप्रसाद ढकाल यसैपटक महासंघका अध्यक्ष बन्नेछन् ।