प्रतिबन्धित नेटवर्किङ व्यवसाय चलाएको आरोपामा एक युवती पक्राउ

२९ चैत, काठमाडौं । कानूनले बर्जित गरेको नेटवर्किङ व्यवसाय संचालन गरेर लाखौं रुपैयाँ ठगी गरेको आरोपमा प्रहरीले एक युवटीलाई पक्राउ गरेको छ । पक्राउ पर्नेमा सुनसरीको धरानवासी जुनुकला राई रहेकी छन् । 

३५ वर्षकी राईले चावहिल गंगाहिटीमा भिजन ड्रिमरी प्रालि नामक कम्पनी सञ्चालन गरेर युवा युवतीलाई आकर्षक आम्दानीको प्रलोभनमा पारेर  ठगी गरेको उजुरीका आधार पक्राउ गरिएको जिल्ला प्रहरी परिसर काठमाडौंले जनाएको छ ।

उनले १६ देखि २५ वर्षका युवायुवतीलाई उच्च नाफाको लोभ देखाएरु ११ हजार देखि ५ लाख रुपैयाँसम्म तिरी सदस्यता लिन लगाउने र कम्तीमा ४ जना सदस्य बनाएमा लगानी रकम फिर्ता हुने भनी धन्दा चलाएको पाइएको प्रहरीको दाबी छ । 

उनको कम्पनीबाट तयारी पोशाक, जुत्ता, हस्तकला लगायतका सामान महंगो मूल्यमा बिक्री गर्न पनि लगाएको पाइएको छ । राईविरुद्ध ठगीको आरोपमा ५० जनाले उजुरी दिएको बताइन्छ । 

राईले हालसम्म झण्डै ५५ लाख रुपैयाँ ठगी गरेको पाइएको छ । उनीमाथि जिल्ला अदालत काठमाडौंबाट अनुमति लिई आवश्यक अनुसन्धान गरिरहेकोा प्रहरलिे जनाएको छ ।