बल्थलीमा वृद्धाको हत्या आरोपमा छोरा पक्राउ

२९ चैत, काठमाडौं । प्रहरीले काभ्रेको पनौतीबाट एक वृद्धाको हत्या आरोपमा एक जनालाई पक्राउ गरेको छ । जिल्लाको पनौती नगरपालिका ११ बल्थलीमा ९० वर्षकी वृद्धा कान्छी थापाको हत्या आरोपमा प्रहरीले आफ्नै छोरालाई पक्राउ गरेको जनाएको छ । 

काभ्रे प्रहरीका अनुसार वृद्धाको धारिलो हतियार प्रहारबाट हत्या भएको छ । हत्या आरोपमा उनका ५२ वर्षका छोरा विश्व थापा पक्राउ परेका छन् । विश्वमा मानसिक समस्या रहेको बुझिन आएको र घटनाबारे थप अनुसन्धान भइरहेको प्रहरीले जनाएको छ ।