समिट होटलमाथि छानबिन गर्न संसद बैठकमा माग

२९ चैत, काठमाडौं । बुधबार संघीय संसदको तल्लो सदन प्रतिनिधिसभाको बैठकमा ललितपुृरको कुपण्डोलमा निर्माणधीन समिट होटलको वैधानिकतामाथि छनबिन गर्न सांसदहरूले माग गरेका छन् । 

बैठकको शुन्य समसयमा बोल्दै राष्ट्रिय स्वतन्त्र पार्टी (रास्वपा)की सांसद डा. तोसिमा कार्कीले बाक्लो बस्तीबीच निर्माण सुरु भएको होटल समिटको वैधानिकताबारे सम्बन्धित निकायले तत्काल छानबिन सुरु गर्न माग गरिन् । उनले देशैभरका निर्माणधी ठूला भवन, होटेल, अपार्टमेन्ट लगायत भौतिक संरचनाको अवैधानिकता र आवश्यकताबारे छानबिन हुनुपर्ने बताइन् । 

चौधरी ग्रुको लगानीमा १६ रोपनीमा बनाउन लागिएको समिट होटलको जग खन्ने क्रममा आसपासमा रहेका बासिन्दाको घरहरू भासिएका थिए । सडक समेत भासिएर सडक अवरुद्ध भएको छ । जमिन भासिने र घरहरु चर्किने क्रम रोकिएको छैन ।

सांसद कार्कीले समिट होटल नक्सा पास, बिना इआईए एनलाइसिसको काम नभएकै अवस्थामा बनाउन सुरु गरेका कारण दुर्घटना भएको बताउँदै घटनाको छानबिन गर्न र दोषीमाथि कारवाही गर्न  संसदीय समिति गठनको माग गरिन् । 

सांसद राजेन्द्र पाण्डले पनि समिट हाेटलकाे कागजपत्र जाँच गर्न माग गर्दै दाेषीलाइ कारवाहीकाे दायरामा ल्याउन माग गरे ।