सिरहा अस्पतालमा आगलागीपछि भागदाैड मच्चिँदा एकजना बिरामीको मृत्यु

२९ चैत, काठमाडौं । सिरहाको सिरहा नगरपालिका–७ स्थित प्रादेशिक अस्पतालमा भएको आगलागीमा परी एक जनाको मृत्यु भएको छ । 

अस्पतालमा राखेको जेनेरेटरबाट विद्युत सर्ट भएर दिउँसो २ बजे आगलागी भएको थियो । आगलागीपछि अस्प्तालमा रहेका बिरामी र कुरुवाहरुबीच भागदौड मच्चिएको थियो । 

सो क्रममा डायलासिसका एक बिरामीको ज्यान गएको बताइएको छ । ज्यान गुमाउनेमा सोही जिल्लाको बरियारपटी गाउँपालिका-३ खोक्सीका मिर्गौला बिरामी ६० वर्षीय प्रदिप दास रहेका छन् ।