कुमारी सुनौलो लगानी योजनाको इकाई बाँडफाँड, २२ जनाको आवेदन रद्द

२९ चैत, काठमाडौं ।  कुमारी क्यापिटल लिमिटेडको निष्काशन तथा विक्री प्रबन्धकत्वमा कुमारी सामूहिक लगानी कोष अन्र्तगत सञ्चालन हुने कुमारी सुनौलो लगानी योजनाको इकाई बुधबार बाँडफाँड गरिएको छ ।

योजनाले प्रति इकाई १० रुपैयाँको दरले दश करोड इकाईको १५ प्रतिशत अर्थात एक करोड ५० लाख इकाई कोष प्रबद्र्धक कम्पनी कुमारी बैंकलाई सुरक्षित राखी सार्वजनिक निष्काशन मार्फत ३५ करोड रकम बराबरको ३ करोड पचास लाख इकाइ चैत ९ देखि चैत २३ गते सम्म निष्काशन तथा विक्री खुल्ला गरिएकोमा १५ प्रतिशत विजपूँजी वापतको १,५०,००,००० इकाई कोष प्रवद्र्धक कुमारी बैंक लिमिटेडलाई बाँडफाँड गरेको जनाएको छ ।

बाँकी सर्वसाधारण तथा संघ–संस्थाहरुबाट प्राप्त आवेदकहरुलाई बाँडफाँड गर्न आजै कुमारी क्यापिटल लिमिटेड, नागपोखरी १, नक्साल, काठमाडाैंमा आमन्त्रित सदस्यहरु तथा प्रतिनिधिहरुको उपस्थितिमा बैठक बसी जम्मा आवेदन दिने ३७,४३४ जना मध्ये रितपुर्वक आवेदन दिने ३७,४१२ जना आवेदकहरुलाई माग गरे बमोजिम इकाईहरु बाँडफाँड गरिएको क्यापिटलले विज्ञप्ति मार्फत जनाएको छ । योसँगै आज बिहान बसेको बैठकले दोहोरो आवेदन दिने २२ जना आवेदकहरुको आवेदन रद्द गर्ने निर्णय गरेको विज्ञप्ति मार्फत क्यापिटलले जनाएको छ । 

क्यापिटलले यो निष्काशन कार्यमा सहयोग तथा सद्भाव प्रदान गर्ने सम्पुर्ण शुभेच्छुकहरु, लगानीकर्ता आवेदकहरु, बैंक तथा वित्तिय संस्थाहरु, नियमन निकाय तथा सम्बन्धित सबै निकायहरुमा धन्यवाद ज्ञापन गरेको छ ।