कोशी प्रदेशको अधिवेशन अन्त्य. राेकिएन प्रदेशकाे नाम खारेजी आन्दोलन

३० चैत, काठमाडौं । कोशी प्रदेशसभाको अधिवेशन अन्त्य भएको छ । गत फागुन १७  गते प्रदेशको नामाङ्कनपछि सभामुख बाबुराम गौतमले अर्को सूचना जारी नभएसम्मका लागि प्रदेशसभा बैठक स्थगित गरेका थिए । त्यसपछि बैठक नै नबसी बुधबार अधिवेशन अन्त्य गरिएको हो । 

बुधबार बसेको मन्त्रिपरिषद् बैठकले स्थगित अवस्थामा रहेको प्रदेशसभा बैठक अन्त्यका लागि प्रदेश प्रमुख समक्ष गरेको सिफारिसमाबमोजिम प्रदेश प्रमुख परशुराम खापुङले चालु अधिवेशन अन्त्य भएको घोषणा गरेका हुन् ।  प्रदेश सरकारका सामाजिक विकास मन्त्री बुद्धिकुमार राजभण्डारीले अधिवेशन अन्त्य भएको बताए । कोशी प्रदेशको दोस्रो प्रदेश सभाको पहिलो अधिवेशन गत २०७९ पुस १७ गते आह्वान भएको थियो ।

भूगोलका आधारमा  प्रदेशको नाम कोशी राखेपछि पहिचान पक्षधरले आन्दोलन जारी राखेका छन् । आन्दोलनका क्रममा पदमबहादुर लिम्बूको ज्यान समेत भएको छ । उनलाई सरकारले शहीद घोषणा गरिसकेको छ । 

पहिचानका आधारमा प्रदेशको नाम नराखेसम्म आन्दोलन नरोकिने उनीहरुले बताइरहेका छन् । उनीहरुले प्रदेश सांसद, मन्त्री, मुख्यमन्त्रीलाई निसानामा पार्ने क्रमलाई रोकेका छैनन् । कोशी लेखिएको हरेक सरकारी बोर्ड, लेटरप्याड लगायत सामाग्री जलाउने गर्दै आइरहेका छन् । 

बुधबार बिहान मात्र आन्दोलनकारीहरुले काठमाडौंको पेप्सीकोलामा रहेको प्रदेश सरकारका सामाजिक विकास मन्त्री राजभण्डारीले घरमा आक्रमण समेत गरेका छन् ।  बिजनेश नभएका कारण अधिवेशन अन्त्य भएको बताए   ।