घुसरकसहित प्रहरीका असई अख्तियारकाे फन्दामा

१ वैशाख, काठमाडौं । घुस रकमसहित एक असई पक्राउ परेका छन् । सिरहाको ईलाका प्रहरी कार्यालय, मिर्चैयामा कार्यरत प्रहरी सहायक निरीक्षक (असई) सचिनकुमार भदैसवारलाई अख्तियार दुरुपयोग अनुसन्धान आयोगबाट खटिएको टोलीले बिहीबार पक्राउ गरेको आयोगको दाबी छ । 

जबर्जस्ती करणीसम्बन्धी जाहेरी दर्ता गर्ने क्रममा सेवाग्राहीसँग घुस रकम माग गरिरहेको भन्‍ने सूचनामा आधारमा आयोगको बर्दिवासबाट खटिएको टोलीले  उनलाई सेवाग्राहीबाट लिएको ९ हजार रुपैयाँ घुससहित सोही नगरपालिका–५स्थित थानाचोकबाट पक्राउ गरेको आयोगले दाबी गरेको छ ।

अभियुक्तलाई हिरासतमा राखेर थप अनुसन्धान गरिरहेको जनाइएको छ ।