सूचना लुकाउने प्रशासकीय अधिकृतसँग सूचना आयोगद्वारा जवाफ माग

४ वैशाख, काठमाडौं ।  राष्ट्रिय सूचना आयोग सप्तरीको राजविराज नगरपालिकाका निमित्त प्रमुख प्रशासकीय अधिकृत निरन्जन यादवलाई ७ दिनभित्र लिखित जवाफ माग गरेको छ । सूचना दिन आलटाल गरेको भनी आयोगका परेको पुनरावेदनमाथि कारवाहीका लागि भन्दै यादवसँग जवाफ माग गरेको हो । 

स्थानीय सूचना अभियन्ता एवम् पत्रकार सौरभ यादवले यादवले सूचना दिन अटेर गरेको जनाउँदै आयोगमा पुनरावेदन दिएका थिए । सो पुनरावेदनका आधारमा आयोगमा प्रमुख सूचना आयुक्त महेन्द्रमान गुरुङ, आयुक्तद्वय कमला ओली थापा र दीपक भनिने रत्नप्रसाद मैनालीको चैत २९ गते बसेको संयुक्त इजलासले सो आदेश दिएको जनाइएको छ । 

सौरभले गत माघ २२ गते नगरपालिकामा उपलब्ध रहेको सवारी साधन चालु, ठप्प र हाल मर्मतको विवरण, आर्थिक वर्ष ०७८/०७९ र हालसम्म इन्धन र सवारी मर्मतमा खर्च भएको रकमसहितको विवरण, आब ०७८/०७९ र हालसम्म खर्च गरिएको कुल बजेट योजना शीर्षक अनुसारको विवरणसहितको भौतिक प्रगति विवरण, आर्थिक वर्ष ०७८÷०७९ र हालसम्म फोहोर व्यवस्थापन र सरसफाई शीर्षकमा खर्चिएको बजेट विवरण माग गरिएको थियो । 

यस्तै, नगरपालिकामा रहेको दरबन्दी र हाल कार्यरत रहेको कर्मचारीहरु स्थायी, अस्थायी, करार र डोर हाजिरको नाम र ठेगानासहितको विवरण,जनप्रतिनिधिहरुलाई उपलब्ध गराइएको सवारी साधन सवारी नम्वर र जनप्रतिनिधिको नाम उल्लेखित विवरण तथा सवारी फिर्ता गरेको भए सोको विवरणसहितका सूचनाहरु माग गर्दै सूचनाको हकसम्बन्धी ऐनलाई टेकेर सूचना माग गरेका थिए ।

यस्तै, सडक बोर्डवाट खर्चिएको कुल बजेट ९योजना शीर्षक अनुसार०को विवरणसहितको भौतिक प्रगति विवरण,विगत तीन आर्थिक वर्ष र हालसम्म औषधि र सेनेटरी प्याडको मूल्य उल्लेखित विवरण र खरिद गरिएको प्रक्रियाको आवश्यक कागजात,आर्थिक वर्ष ०७९/८० को हालसम्म खर्चिएको कुल बजेट ९योजनाको शीर्षकअनुसार०को विवरणसहित भौतिक प्रगति विवरणसमेत यादवले माग गरेका छन् ।

सूचना अधिकारीले सूचना दिन नमानेपछि सौरभले फागुन २६ गते निमित्त प्रमुख प्रशासकीय अधिकृत निरन्जन यादवसँग सूचना मागेको र उनले पनि सूचना नदिएपछि आयोगमा पुनरावेदन पुगेको हो । 

सरकारी ओहोदामा बसेका कर्मचारीले संचारकर्मीले तोकिएअनुसार माग गरेका सरकारी सूचना उप्लब्ध गराउनेपर्ने कानूनी व्यवस्था छ ।