ग्लोबल आइएमई बैंकको ५ लाख कित्ता संस्थापक शेयर बिक्रीमा

४ वैशाख, काठमाडौं । ग्लोबल आइएमई बैंकले ५ लाख कित्ता संस्थापक शेयर आजदेखि बिक्री खुला गरेको छ । बैंकको संस्थापक शेयरधनीले आफ्नो नाममा रहेको शेयर बिक्री गर्न निवेदन दिएपछि शेयर बिक्री खुला गरिएको हो । 

शेयरको न्यूनतम भाउ प्रतिकित्ता १३५ रुपैयाँ तोकिएको छ । यसमा तोकिएको समयमा संस्थापक शेयरधनीबाट आवेदन परेन भने अन्य व्यक्ति तथा संस्थालाई बिक्री खुला गरिने बैंकले सूचनामा उल्लेख गरेको छ ।

बैंकका अनुसार उक्त शेयर ग्लोबलकै अन्य संस्थापक शेयरधनीहरुले पनि आवेदन दिन सक्नेछन् । यसमा वैशाख ४ गतेदेखि ३५ दिनभित्र आवश्यक कागजात संलग्न गरी ग्लोबल आइएमई बैंकको रजिष्ट्रर्ड कार्यालय कमलादी काठमाडौंमा निवेदन दिनुपर्ने हुन्छ ।