"झलकमान लोक संगीत सम्मान २०७९" गायक बद्री पंगेनीलाई

५ वैशाख, काठमाडौं । नेपाली लोक गीत संगीत र दोहोरी गीत गायनमा तीन दशक लामो योगदान दिएर समग्र लोक संगीतलाई एउटा माधुर्य उचाई दिएका गायक बद्री पंगेनीलाई झलकमान लोक संगीत सम्मानबाट सम्मानित गरिने भएको छ ।

बिन्ध्यबासिनी म्युजिक अवार्ड को १३ औं संस्करण समारोहका बीच  २५ हजार नगद सहित बिन्ध्यवासिनी फाउन्डेसनले यो सम्मान गर्न लागेको हो । लाईफ टाईम अचिभमेन्ट अवार्ड, संगीत साधना सम्मान, प्रेमध्वज संगीत रत्न सम्मान र कला पत्रकारिता सम्मानका अतिरिक्त यो बर्षबाट झलकमान लोक संगीत सम्मानको बिधा थप भएको आयोजक संस्थाले जनाएको छ । 

नेपाली सुगम संगीत, शास्त्रिय संगीत, पप संगीत, चलचित्र संगीत र लोक संगीतलाई एउटै संस्थाद्वारा सम्मान गर्ने परम्पराको थालनी बिन्ध्यवासिनी म्युजिकले गरेको छ ।

श्रस्टा र श्रृजना सम्मानमा लाखौं नगदसहित सम्मान गर्ने नेपाली म्युजिकको व्यवसायिक संस्थामा पनि बिन्ध्यवासिनी अग्रणी संस्था मानिन्छ  । अग्रजलाई सम्मान र अनुजलाई प्रोत्साहनको मुल नारासहित सुरु भएको बिन्ध्यवासिनी म्युजिक अवार्ड को १३ औ संस्करण आगामी बैशाख २२ गते सम्पन्न हुने फाउन्डेसनले जनाएको छ ।