पछिल्लो २४ घण्टामा १७१ जनामा कोरोना पुष्टि, एकैदिन थप २ को मृत्यु

५ वैशाख, काठमाडौं । नेपालमा पछिल्लो २४ घण्टामा कोरोना भाइरस संक्रमणबाट एकै दिन २ जनाको ज्यान गएको छ । स्वास्थ्य मन्त्रालयका अनुसार मंगलबार १७१ जनामा कोरोना संक्रमण पुष्टि  हुँदा कोरोना संक्रमणबाट एकै दिन थप २ जनाको मृत्यु भएको हो । 

यस्तै आज २ हजार २९१ नमुनामध्‍ये ९८० जनाको पीआर परीक्षण गर्दा १०५ र १ हजार ३१२ जनाको एन्टीजेन परीक्षण गर्दा ६६ जना गरी १७१ जनामा संक्रमण देखिएको मन्त्रालयले जनाएको छ । 

योसँगै कोरोनाको सक्रिय संक्रमितको संख्या ३९७ पुगेको छ भने संस्थागत आइशोलेशनमा २२ जना, आईसीयूमा ८ जना र भेन्टिलेटरमा ४ जना उपचाररत छन् ।