मन्त्रिपरिषदको बैठक सिंहदरवारमा जारी

५ बैशाख, काठमाडौं । मन्त्रिपरिषद्को बैठक बसिरहेको छ ।  प्रधानमन्त्री तथा मन्त्रिपरिषद् कार्यालय सिंहदरवारमा मंगलबार साँझ बैठक सुरु भएको हो । आजको नियमित बैठकले सरकारका दैनिक प्रशासनिक विषयमा निर्णय गर्ने बताइएको छ ।

नियमित रूपमा हप्तामा दुई दिन बस्दै आएको मन्त्रिपरिषद् बैठक अबदेखि सातामा एक दिन मात्रै बस्ने भएको छ । सोमबार र बिहीबार बस्दै आएको मन्त्रिपरिषद् बैठक यो सातादेखि मंगलबार बस्ने भएको छ । प्रधानमन्त्रीका प्रेस सल्लाहकार गोविन्द आचार्यले दिएको जानकारी अनुसार मन्त्रिपरिषद् बैठक सातामा एक दिन मंगलबार बस्ने र आवश्यक परेका बेलामा आकस्मिक रूपमा जतिबेला पनि बस्न सक्ने गरी निर्णय भएको छ ।