चुनावी सभालाई सम्बोधन गर्न गठबन्धनका शिर्ष नेताहरु तनहुँ जाँदै

६ बैशाख,काठमाडौं । चुनावी सभालाई सम्बोधन गर्न सत्ता गठनबन्धका दलका शीर्ष नेता आज तनहुँ जाँदैछन् । प्रधानमन्त्री पुष्पकमल दाहाल प्रचण्डले पनि सो सभामा सम्बोधन गर्ने बताइएको छ । तनहुँ– १ मा नेपाली कांग्रेसका उम्मेदवार गोविन्द भट्टराईलाई भोट माग्न सत्ता गठबन्धनका शीर्ष नेता तनहुँ जान लागेका हुन ।

आगामी बैशाख १० गते हुने उपनिर्वाचनमा गठबन्धनका साझा उम्मेदवार भट्टराईलाई भोट माग्न सत्ता गठबन्धनका शीर्ष नेताहरु आज तनहुँ जान लागेका हुन् ।  

प्रधानमन्त्रीसमेत रहेका नेकपा माओवादी केन्द्रका अध्यक्ष प्रचण्ड, कांग्रेस सभापति शेरबहादुर देउवा र एकीकृत समाजवादीका अध्यक्ष माधव नेपालले तनहुँको डुम्रेबजारमा आज दिउँसो २ बजे हुने चुनावी सभालाई सम्बोधन गर्ने कार्यक्रम रहेको छ ।