राष्ट्रियसभा अध्यक्ष गणेशप्रसाद तिमिल्सिनासहितको टोली रुस प्रस्थान

६ वैशाख, काठमाडौं । संघीय संसदको माथिल्लो सदन राष्ट्रियसभाका अध्यक्ष गणेशप्रसाद तिमिल्सिना ८ सदस्यीय प्रतिनिधि मण्डलको नेतृत्व गर्दै बुधबार रुस प्रस्थान गरेको छ । 

अध्यक्ष तिमिल्सिनासहित राष्ट्रियसभा सदस्य वामदेव गौतम, रमेशजंग रायमाझी, दिलकुमारी थापा रावल पार्वती लगायतको ८ सदस्यीय टिम रुस प्रस्थान गरेको हो ।

प्रस्थान गर्नुअघि सञ्चारकर्मीहरूसँगको कुराकानीमा अध्यक्ष तिमिल्सिनाले भ्रमणमा उच्चस्तरीय भेटघाट र दुई देशका संसदबीच सम्झौता हुने जानकारी दिए ।

त्यसक्रममा देशको संसदीय गतिविधिको बारेमा जानकारी गराउने, संसदलाई प्रभावकारी बनाउन एक अर्काबीच विमर्श गरिने उनले बताए । 
टोली वैशाख १२ गते दिउँसो स्वदेश फर्किनेछ ।