बालेनविरुद्धको रिटमा न्यायाधीश माथेमाको एकल इजलासमा सुनुवाइ हुँदै

६ वैशाख, काठमाडौं । काठमाडौं महानगरपालिकाका मेयर बालेन शाहविरुद्ध दायर रिट निवेदन सुनुवाइ न्यायाधीश सुष्मालता माथेमाको एकल इजलासमा हुने भएको छ । मंगलबार कायममुकायम प्रधानन्यायाधीश हरिकृष्ण कार्कीको एकल इजलासमा उक्त मुद्दा परेपनि हेर्न नभ्याइनेमा राखिएको थियो ।

मुलुकको प्रमुख प्रशासनिक केन्द्र सिंहदरबार, प्रधानमन्त्रीको सरकारी निवास बालुवाटार, राष्ट्रपति कार्यालय शीतल निवासको फोहोर नउठाएको भन्दै मेयर साहविरुद्ध अधिवक्ता पदबहादुर श्रेष्ठले यही सोमबार सर्वोच्च अदालतमा रिट परेको थियो ।

अधिवक्ता पदमबहादुर श्रेष्ठले काठमाडौँ महानगरपालिकाले कानुनविपरीत फोहोर संकलन नगरेको उल्लेख गर्दै तत्काल फोहोर संकलन गरी ल्यान्डफिल्ड साइडमा लैजान, नियमित फोहोर संकलन र विसर्जन गर्नुपर्ने, समयमै फोहोर व्यवस्थापन गरी स्वच्छ वातावरणमा बाँच्न पाउने नागरिकको अधिकारको रक्षा गर्नुपर्नेलगायतका मागदाबी रिटमा गरिएको छ । 

मेयर साहले महानगरले उठाउँदै एका १४ बुँदे मागमा सरकारले बेवास्ता गरेर महानगरको विकास र समृद्धिमा असहयोग पुर्याएको भन्दै गत शनिबारदेखि उक्त क्षेत्रका फोहोर नउठाउने घोषणा गरेका थिए । फोहोर नउठ्ेदा त्यस क्षेत्रमा दुर्गन्ध फैलिएको छ ।