मिटरब्याज पीडितकाे आन्दोलनप्रति नागरिक अगुवाहरूकाे ऐक्यवद्धता, प्रहरी दमनविरुद्ध खबरदारी जुलुस

६ वैशाख, काठमाडौं । सरकारले काठमाडौंमा आन्दोलनरत मिटरब्याजन पीडितहरुमाथि गरेको बर्बर दमनको विरोधमा नागरिक अगुवाहरुले खबरदारी जुलुस निकालेका छन् । 

नागरिक अगुवाहरुले मिटरब्याज पीडितमाथि प्रहरीले गरेको दमनप्रति बुधबार दिउँसो शान्तिबाटिकादेखि माइतीघर मण्डलासम्म खबरदारी र्याली निकालेका हुन् । जसलाइ उनीहरूले ‘बृहत  नागरिक आन्दोलन’ नाम दिएका छन् ।

अगुवाहरुले मिटरब्याज पीडितको आन्दोलनमा ऐक्यवद्धता समेत जनाएका छन् । शान्तिपूर्ण आन्दोलनमा बल प्रयोग गरेर पीडितलाई थप पीडा दिने र सख्त घाइते बनाउने सरकारको काम अमानवीय भएको भन्दै उनीहरुले दमनको विरोध गरे । प्लेकार्ड, ब्यानर लगायत प्रदर्शन गरेका छन् । 
खबरदारी जुलुसमा विश्लेषक श्याम श्रेष्ठ, लेखक खगेन्द्र संग्रौला लगायत सहभागी थिए । 

उनीहरुले मिटरब्याज पीडितहरुको माग तत्काल सम्बोधन गर्न र न्याय दिन उनीहरुले सरकारको ध्यानाकर्षण गराए । सोमबार प्रहरीले सोमबार शान्तिबाटिका जम्मा भएका पीडितहरुलाई अनावश्यक रुपमा बल प्रयोग गरेर पीडितहरुलाई घाइते तुल्याएपछि चौतर्फी विरोध भइरहेको छ ।  उक्त प्रहरी दमनको राष्ट्रिय मानवअधिकार आयोगले समेत विरोध जनाएको छ ।

सरकारसँग पाँच पटक भएको वार्ता असफल भएपछि आन्दोलनहरुमा फर्किएका पीडितहरुले आफूहरुको माग पूरा नभएसम्म सडक नछाड्ने अडान लिएका छन् ।