अन्नपूर्ण हिमालमा बेपत्ता भारतीय पर्वतारोहीको उद्धार

७ वैशाख, काठमाडौं । गत सोमबारदेखि अन्नपूर्ण हिमालमा बेपत्ता भएका एक भारतीय पर्वतारोही जीवितै फेला परेका छन् । ३४ वर्षीय भारतीय पर्वतारोही अनुराग मालुलाई उद्धारकर्ताले जीवितै फेला पारेर उद्धार गरेका छन् । 

यसअघि अन्नपूर्ण हिमालमै गत सोमबार नै बेपत्ता भएकी २७ वर्षीया भारतीय पर्वतारोही बलजित कौरलाई पनि उद्धारकर्ताले जीवितै उद्धार गरेका थिए ।

अनुरागका भाइ सुधीरले भारतीय संचारमाध्यमहरुसँग अनुराग जिउँदै फेला परेको तर अवस्था गम्भीर रहेको बताएका छन् । राजस्थानको किसनगढ निवासी अनुराग गत सोमबार ८ हजार ९०१ मिटर अग्लो अन्नपूर्ण हिमालको ६ हजार मिटर उचाइमा पुग्दा लडेर बेपत्ता भएका थिए ।