चितवन २ मा मदिरा बिक्री वितरण तथा सेवनमा राेक

७ वैशाख, काठमाडौं । चितवन जिल्ला प्रशासने उपनिर्वाचन हुन गइरहेको क्षेत्र नं. २ मा मदिरा ओसारपसार, बिक्रीतिवरण र सेवनमा राेक लगाएको छ । 

प्रमुख जिल्ला अधिकारी चिरञ्जीवी शर्माले सूचना जारी गर्दै मदिरा ओसारपसारदेखि सेवनसम्म निषेध गरेको जानकारी दिएका छन् । 

क्षेत्र नं. २ मा यही वैशाख १० मा प्रतिनिधिसभा सदस्यका लागि उपनिर्वाचन हुँदैछ । जारी सूचनामा आज बिहीबार राति १२ बजेदेखि निर्वाचन कार्यक्रम सम्पन्न नभएसम्मका लागि निषेध गरिएको उल्लेख छ । 

सूचनाविपरीत कार्य गर्नेमाथि कानुनबमोजिम कडा कारवाही गरिने समेत जनाइएको छ ।