अर्थमन्त्रीको प्रमुख आर्थिक सल्लाहकारमा अर्थविद् पाैडेल नियुक्त

७ वैशाख, काठमाडौं । र्थविद् विश्व पौडेललाई अर्थमन्त्री डा. प्रकाशशरण महतकाे प्रमुख आर्थिक सल्लाहकारमा नियुक्त गरिएकाे छ । मन्त्री महतकाे प्रस्तावमा मन्त्रिपरिषदले नियुक्त गरेकाे हाे । 

पाैडेल राष्ट्रिय योजना आयोगका पूर्वउपाध्यक्ष हुन् । उनी संसदीय निर्वाचनमा चितवन १ बाट कांग्रेसका उम्मेदवार समेत बनेका थिए । आगामी आर्थिक वर्षको बजेट निर्माण तयारी भइरहँदा पौडेललाई अर्थ मन्त्रालय ल्याएका छन् । उनले सल्लाहका समूहकाे नेतृत्व गर्नेछन् ।

अर्थविद् पोषराज पाण्डे र राष्ट्र बैंकका कार्यकारी निर्देशक गुणाकर भट्टलाई भने पाैडेल नेतृत्वकाे सल्लाहकार समूहमा सदस्य एवं सल्लाहकार नियुक्त गरिएकाे छ ।

अर्का अर्थविद् स्वर्णिम वाग्ले भने रास्वपातिर लागेका छन् । वाग्लेले पनि कांग्रेस कोटाबाट योजना आयोगमा बसेर काम गरिसकेका छन् । उनी हाल तनहुँको क्षेत्र नं. १ मा उपनिर्वाचनमा रास्वपाबाट उम्मेदवार छन् ।