नाै महिनाको व्यापार घाटा १० खर्ब ८३ अर्ब

७ वैशाख, काठमाडौं । मुलुकले चालु आर्थिक वर्ष  २०७९÷०८० को ९ महिनामा (चैत मसान्तसम्म) व्यापारघाटा व्यहोरेको छ । यो अवधिमा नेपालले कुल १३ खर्ब १९ अर्ब रुपैयाँ बराबरको वैदेशिक व्यापार गरेको भन्सार विभागको तथ्यांक छ । 

यसमा १२ खर्ब १ अर्ब ५० करोड ८९ लाख ९१ हजार रुपैयाँको वस्तु आयात गरेको छ । निर्यात जम्मा १ खर्ब १८ अर्ब २७ करोड ९९ लाख ६२ हजार रुपैयाँ रहेको देखिएको छ । 

तथ्यांकले ९ महिनाको अवधिमा नेपाललाई १० खर्ब ८३ अर्ब २२ करोड ९० लाख २९ हजार व्यापार घाटा भएको छ देखाउँछ । यो घाटा गत आर्थिक वर्षको ९ महिनाको तुलनामा १७ दशमलब  प्रतिशतले कमी हो । साथै आयात पनि गत आर्थिक वर्षको यसै अवधिको तुलनामा १८ दशमलब ८ प्रतिशतले कमी आएको देखिएको छ । 

सबैभन्दा आयात पेट्रोलियम पदार्थ भएको देखिन्छ । यो अवधिमा पेट्रोलियम पदार्थ २ खर्ब ६१ रुपैयाँको आयात गरिएको छ । गत फागुन मसान्तसम्ममा १० खर्ब ५८ अर्ब ३८ करोड रुपैयाँ बराबरको वस्तु आयात भएकोमा चैत मसान्तसम्ममा १२ खर्ब १ अर्ब ५० करोड रुपैयाँ पुगेको छ । चैतमा मत्रै १ खर्ब ४३ अर्ब १२ करोड ३४ लाख रुपैयाँ बराबरको वस्तु आयात भएको तथ्यांकले देखाउँछ ।

निर्याततर्फ यो अवधिमा पाम तेल र प्रशोधित तेलबाट २६ अर्ब, चिया–कफीबाट १० बढी, कार्पेटबाट ९ अर्ब रुपैयाँ भित्रिएको देखिन्छ ।