सबैभन्दा धेरै नाफा कमाउनेमा मुक्तिनाथ र धेरै घाटा व्यहाेर्नेमा सिन्धु विकास बैंक

८ वेशाख, काठमाडौं । चालु आर्थिक वर्षको चैत मसान्तसम्म नाफा घाटामा परेका विकास बैंकहरुको सूची सार्वजनिक भएको छ ।

चालु आव २०७९/८० को तेस्रो त्रैमाससम्ममा विकास बैंकतर्फ कुल ३ अर्ब ७१ करोड ९८ लाख रुपैयाँ मुनाफा आर्जन भएको छ । गत आवको यसै अवधिको तुलनामा नाफाको तुलनामा भने केही कमी आएको छ ।

विकास बैंकहरुले प्रकाशित गरेको तेस्रो त्रैमासिक वित्तीय विवरणअनुसार विकास बैंकहरुको नाफा गत आवको तुलनामा २७.१० प्रतिशतले घट्न पुगेको छ । गत आवको यसै अवधिसम्ममा विकास बैंकहरुले ५ अर्ब १० करोड २४ लाख रुपैयाँ खुद नाफा कमाएका थिए । नाफा घटनुमा खराब कर्जामा आएको वृद्धि मुख्य जिम्मेवार देखिएको छ । 

चालु आवको ९ महिनाको अवधिसम्ममा सबैभन्दा बढी मुनाफा मुक्तिनाथ विकास बैंकले गरेको छ । उसले ८० करोड ६२ लाख रुपैयाँ खुद नाफा आर्जन गरेको छ । यो नाफा गत वर्षको तुलनामा भने २१ प्रतिशतले कम हो । 

यस्तै, मुक्तिनाथपछि धेरै नाफा कमाउने विकास बैंकमा शाइन रेसुङगा डेभलप्मेन्ट परेको छ । उसले यसै अवधिसम्ममा ५५ करोड ४५ लाख रुपैयाँ खुद नाफा कमाएको छ । यो नाफा गत वर्षको तुलनामा १६.९३ प्रतिशतले कम हो ।

त्यसपछि कर्पोरेट डेभलेप्मेन्ट र ग्रीन डेभलेप्मेन्ट बैंकले खुद नाफा कमाएको छ । कर्पोरेटले गत आवको यसै अवधिको तुलनामा ५५ लाख रुपैयाँ खुद नाफा कमाएको छ भने ग्री डेभलप्मेन्टले खुद नाफामा वृद्धि गरेको छ ।  गरिमा विकास बैंकले पनि खुद नाफामा वृद्धि गरेकाे छ । गरिमा विकास बैंकले पनि नाफा कमाएको छ । 

सिन्धु विकास बैंक भने गत आवको यसै अवधिको तुलनामा खुद नाफामा घाटामा गएको छ । सबैभन्दा धेरै घाटा व्यहाेरेकाे उसकाे घाटा १ करोड ४८ लाख रुपैयाँ घाटामा रहेको छ ।