सप्तरी कारागारका एक कैदीको मृत्यु

८ वैशाख, काठमाडौं । सप्तरी जिल्ला कारागारका एक कैदीको मृत्यु भएको छ ।  कैद भुक्तान गरिरहेका एक जना कैदीको बिहीबार राति मृत्यु भएको छ ।

खुट्टा सुन्निएपछि उपचारका लागि विरानटरस्थित कोशी अस्पताल विराटनगर पुर्‍याइएका महदेवा गाउँपालिका ३ का ५४ वर्षीय कैदी मिथिलेश यादवको उपचारको क्रममा गएराति मृत्यु भएको हो । 

यादव मानव बेचबिखन तथा ओसारपसार मुद्दामा कैद भुक्तान गरिरहेका थिए । पाँच वर्ष कैद सजाय तोकिएका उनी २०७७ चैत ११ गतेदेखि उक्त कारागारमा थिए ।