तोकिएभन्दा बढी पेट्रोल बोक्ने ट्यांकर भैरहवा भन्सारको नियन्त्रणमा

८ वैशाख, काठमाडौं । तोकिएको भन्दा ३ हजार बढी लिटर पेट्रोल राखेर ल्याएको पाइएपछि एक ट्यांकरलाई भैरहवा भन्सारले नियन्त्रणमा लिएको छ । 
भन्सार कार्यालयले बढी पेट्रोल राखेर ल्याएको आशंकामा चेकजाँच गर्दा ना २ ख ४८३९ ३ वटा ट्यांकरलाई शुक्रबार नियन्त्रणमा लिएको हो । उक्त ट्यांकरमाथि भन्सार र इलाका प्रहरीले चेक गर्दा उक्त ट्यांकरमा ३ हजार ३८४ लिटर पेट्रोल बढी राखेर ल्याएको पाइएको नेपाल आयल निगमका प्रवक्ता मनोजकुमार ठाकुरले बताए । 

उनका अनुसार एउटा ट्यांकरमा २० हजार लिटर पेट्रोल राखेर ल्याउन अनुमति दिँदै आएको छ । एक्सप्रेस ढुवानी सेवा प्रालिको सो ट्यांकरमा भने ३ हजार ३८४ लिटर पेट्रोल बढी राखेको पाइएको हो । आवश्यक कारवाहीका लागि ट्यांकरलाई भन्सार कार्यालयमा जिम्मा लगाइएको छ । ्