उपनिर्वाचनः भरतपुर महानगरकाे कमलकुसुम मावि मतदान केन्द्रमा झडप

१० वैशाख, वैशाख । चितवनको भरतपुर महानगरपालिका-११ स्थित भोजाङमा रहेको नयाँकिरण कमलकुसुम माविमा रहेको मतदान केन्द्रमा तनाव उत्पन्न भएको छ ।

केहीबेर अघि मतदानका क्रममा एमाले र नेपाली कांग्रेसका उम्मेदवारका पक्षधरबीच झडप भएको छ । एमालेका कार्यकर्ताले गठबन्धनका कार्यकर्ताले मतदानस्थलमा हुलहुज्जत गरेको आरोपमा विवाद झिकेर झगडा सुरु गरेका थिए । 

दुइटै पक्षका कार्यकर्ता लाठीसहित झडपमा उत्रिएका थिए । झडपलाई सेनासहित सुरक्षाकर्मीले स्थितिलाई नियन्त्रणमा लिइसकेका छन् । केहीबेर स्थिति तनाव बनेपनि मतदान रोकिएको छैन । विवाद गर्ने एमालेका केही कार्यकर्तालाई प्रहरीले नियन्त्रणमा लिएको जनाइएको छ ।