कलंकीको बजरंग गार्मेन्टमा भएको आगलागीमा चालक बेपत्ता

१० वैशाख, काठमाडौं । कलंकीस्थित बजरंग गार्मेन्ट उद्योगमा भएको आगलागीमा परेर सोही उद्योगका एक जना चालक जना बेपत्ता भएका छन् ।

निश्चल अग्रवालले चलाएको गार्मेन्टमा गएराति आगलागी भएको थियो । आगलागीबाट गार्मेन्टका उपकरण, लत्तापकडा लागयत जलेर नष्ट भएको थियो ।

सोही घटनामा उद्योगका सवारी चालककादोलखाको भीमेश्वरका भूपेन्द्र बस्नेत बेपत्ता भएको जिल्ला प्रहरी परिसर, काठमाडौं कार्यालयले जनाएको छ । भग्नावशेषमा डोजरको सहायता उनको खोजी भइरहेको कार्यालयले जनाएको छ । 

खोजी गर्ने क्रममा खुट्टा र शरीरको केही अंग फेला परेको र पहिचानको प्रयास भइरहेको बताइएको छ ।