कीर्तिपुर–४ का वडाध्यक्ष अधिकारीको निधन

१० वैशाख, काठमाडौं । कीर्तिपुर नगरपालिका–४ का वडाध्यक्ष श्यामकुमार अधिकारीको सवारी दुर्घटनामा परी निधन भएको छ । 

सवारी दुर्घटनामा परी गम्भीर घाइते उनको माइतीघरस्थित अन्नपूर्ण न्युरो अस्पतालमा आज दिउँसो २ बजे निधन भएको हो । 

कीर्तिपुरको चम्पादेवी मन्दिरमा वैशाख १ मा लागेको मेलाको तयारीमा खटिने क्रममा पुष्पलाल पार्क ओरालोमा उनी सवार बा८३ प ९४४८ नम्बरको मोटरसाइकल दुर्घटनामा परेका थिए । 

शवलाई पोष्टमार्टमका लागि शिक्षण अस्पताल महाराजगन्ज लगिएको छ ।