नेपाली प्रतिभा र सामानको प्रोत्साहन गर्ने कानूनका लागि आन्दोलनमा उत्रने महाविर पुनको घोषणा
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
बैशाख ११, २०८० सोमबार १४:३:११
![](https://nepalbahas.prixacdn.net/media/albums/mahabir_VjbAm7ZUiI_bu2MCSihsc.jpg)
११ वैशाख, काठमाडौं । आविष्कारक केन्द्रका प्रमुख समेत रहेका वैज्ञानिक महावीर पुन सरकारसँग नेपाली प्रतिभा र स्वदेशमा निर्मित सामानको खरिद बिक्रीसम्बन्धी कानून निर्माणको माग गर्दै आन्दोलनमा उत्रिने भएका छन् । उनले नीति र कानूनसम्बन्धी ४ बुँदे माग राख्दै छिट्टै आन्दोनलमा होमिने घोषणा गरेका छन् ।
सोमबार सामाजिक सञ्जाल फेसबुकमा बुँदागत रुपमा माग सार्वजनिक गर्दै मागमा परिस्कृतबारे सुझाव समेत मागेका छन् । आन्दोलनमा युवाहरूकाे सहभागिता रहने र निर्णायक हुने दाबी समेत गरेका छन् ।
बुँदाहरु सार्वजनिक गर्दै ‘अनुसन्धान, नबप्रबर्तन र आविष्कारको प्रबर्धनको लागी अति आवश्यक नीति नियम बनाउन र आबश्यक कदम चाल्न नेपाल सरकारलाई ठोस माग सहित आन्दोलन सुरु गर्दा कुन सडकमा र कसरी धर्ना बस्ने भन्ने खाका यहाँ दिइएको छ’ उनले आइतबार फेसबुकमा लेखेका छन् ।
उनले आन्दोलन सुरु हुनुभन्दा एक दिनपहिले प्रधानमन्त्री, अर्थमन्त्री, कानुन मन्त्री, उद्योग मन्त्री, शिक्षा मन्त्री आदि सबै मन्त्रीलाई मन्त्रालयमा नै गएर मागपत्र दर्ता गराइने र अभिभावक, विद्यार्थी र युवाहरुलाई समेटेर सडक आन्दोलनमा जाने बताएका छन् । आन्दोलनलाई ‘सामाजिक आन्दोलन’ नाम दिइएको छ । आन्दोलनका लागि आ-आफ्नै तरिकाले तयारी गर्न समेत अपिल गरेका छन् ।
उनी नेतृत्वको टिमले नेपालभित्रै विद्युतीय मोटर साइकल ‘यात्री’ बनाएर बिक्री वितरणमा ल्याइसकेको छ । तर कानूनको अभावमा दर्ता, खरिद–बिक्री हुन नसकेको उनले बताएका छन् । नेपाली अनुसन्धानकर्ताहरु धेरै सामान चिजहरु बनाइसकेका तर कानून नहुँदा प्रतिभा पलायनको दिशामा गएको भन्दै आन्दोलनमा जाने र त्यसको नेतृत्व आफूले गर्ने घोषणा गरेका छन् ।
‘कानुन छैन भनेर कर्मचारीहरुले पन्छ्याई रहेका छन् र सरकारले कानून बनाउन वास्ता गर्दैन’ उनले लेखेका छन्, ‘काठमाडौँ उपत्यका बाट बृहत आन्दोलन सुरु गरौँ । त्यसको नेतृत्व मैले गर्नेछु ।’ आन्दोलनको मिति भने छलफलबाट तोकिने बताएका छन् ।
उनले कानून, नीति बनाउन माग गर्दा आफू प्रदेश र संघीय सरकारबाट पटकपटक अपमानित हुनुपरेको समेत उल्लेख गरेका छन् । ‘अनुसन्धान र नबप्रबर्तन पर्ति गण्डकी प्रदेश सरकारले मलाई र संघीय सरकारले यात्री मोटर साइकल टिमलाई गरेको अपमानजनक ब्याबहारले मलाई शिकारीले घाइते पारेको बाघ जस्तै बनाएको छ । मर्नु नै परे पछि खुट्टा तानेर नै मर्ने नि । पहिला आन्दोलन गरौँ र बार्ता पछि गरौंला । अब युबाहरु उठौं र आन्दोलनको तयारी गरौं’ पुनले लेखेका छन् ।
उनले आफ्नै प्रयास र स्रोतमा कीर्तिपुरस्थित राष्ट्रिय आविष्कार केन्द्र चलाइरहेका छन् । केन्द्रबाट कोरोना महामारीका बेला पीपीई, बेडलगायत समाग्र उत्पादन गरेर सरकारलाई वितरणले गरिएको थियो । त्यसपछि यता बाँदरलाई तर्साउन ‘बाँदरे बन्दुक’ समेत निमार्ण गरिएको छ । जसलाई सरकारले नै स्थानीय तहमार्फत किसानहरुको हातहातमा पुर्याउँदै आएको छ ।
आइतबार मात्र प्रधानमन्त्री प्रचण्डले स्वदेशमा उत्पादन वस्तुको दर्तासम्बन्धी कानूनी प्रबन्ध मिलाउन मुख्यसचिव शंकरदास बैरागीमार्फत सम्बन्धित निकायलाई निर्देशन दिइसकेका छन् । पुनले त्यसभन्दा अगाडि प्रधानमन्त्री प्रचण्डसँग भेट गरी स्वदेशी सामानको बिक्री वितरण र प्रतिभाहरुको संरक्षणका लागि कानून बनाउन ज्ञापनपत्र बुझाएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराडीपाखी बुन्ने चलन लोपोन्मुख अवस्थामा
असार १२, २०८१ बुधबार
विद्युतको तार सर्ट भई आगलागी हुँदा लाखौँको क्षति
असार १२, २०८१ बुधबार
कुपोषित बालबालिकालाई पोषणयुक्त आहार वितरण
असार १०, २०८१ सोमबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अष्ट्रेलियालाई २१ रनले पराजित गरेपछि कप्तान राशिद खानले के भने ?
नेपालबहस संवाददाता
असार ९, २०८१ आइतबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
टोली सेमिफाइनलमा पुग्नेबित्तिकै अफगानिस्तानका सडकमा ट्राफिक जाम
असार ११, २०८१ मंगलबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
अन्तःशुल्क स्टीकरण छपाई प्रकरणमा अख्तियारको अुसन्धान, कति सम्बन्धित छन विवरण ?
असार १२, २०८१ बुधबार
केजरीवालको संकट बढ्दै, सीबीआईले हिरासतमा लियो
असार १२, २०८१ बुधबार
उपप्रमुख डंगोलसँग ल्हासा नगरको प्रतिनिधिमण्डलको भेटवार्ता
असार १२, २०८१ बुधबार
परराष्ट्रमन्त्री श्रेष्ठसँग चिनियाँ उपविदेशमन्त्री वेइडोङको भेटवार्ता
असार १२, २०८१ बुधबार
जलबिरे नजिकै ढुङ्गा खसेर सडक एकतर्फी अवरुद्ध
असार १२, २०८१ बुधबार
क्रिकेटर अनिल साहलाई कलैया उपमहानगरको सम्मान, एक लाख नगद पुरस्कार प्रदान
असार १२, २०८१ बुधबार