शेयरबजार झिनो अंकले उकालाे, ७५ करोड रूपैयाँको कारोबार

११ वैशाख, काठमाडौं । साताको दोस्रोे दिन सोमबार शेयरबजार सामान्य अंकले बढेको छ । सोमबार नेप्से परिसूचक २.७१ अंकले उकालो लागेको छ । योसँगै सूचक १८८८.३२ को बिन्दुमा आएर अडिएको छ । 

यस्तै, ठूला कम्पनीको शेयर कारोबार मापन गर्ने सेन्सेटिभ परिसुचक ०.२३ अंकले बढेर सूचक ३५९.३७ विन्दुमा पुगेको छ ।

यसअघि आइतबार नेप्से परिसूचक १८.८० अंकले ओरालो लागि १,८८५.६० को बिन्दुमा अडिएको थियो । सोही दिन ८२ करोड ७५ लाख भन्दाबढी रुपैयाँको कारोबार भएको थियो ।

नेपाल स्टक एक्सचेञ्ज (नेप्से)मा सोमबार कूल २७० कम्पनीको २२ लाख ६० हजार ८२३ कित्ता शेयर खरिद बिक्री हुँदा ७५ करोड १३ लाख भन्दाबढी रुपैयाँको कारोबार शेयर कारोबार भएको छ । 

नेप्से सुचकमा १२० कम्पनीमा वृद्धि भएको छ । ८५ कम्पनीमा ओरालो लागेको र १५ कम्पनी स्थिर रहेको छ ।   कारोबारको आधारमा कालिञ्चोक दर्शन शीर्ष स्थानमा रहेको छ । उक्त बैंकले ८ करोड ८१ लाख भन्दा बढी रुपैयाँको कारोबार गरेको छ । यसैगरी सिवम सिमेन्टको करिब ३ करोडको कारोबार भएको हो । 

सोमबार १३ उपसुचकहरु मध्ये ४ कम्पनीमा ओरालो लागेको छ भने बाँकि सबैं कम्पनीहरुमा सामान्य वृद्धि भएके छ । सबै उपसुचक कम्पनीहरुमा ओरालो लागेको छ । सोमबार पिपुल्स पावर ८.११ प्रतिशत र नविल प्रगति फण्डको ७.९४ प्रतिशतको शेयर कारोबार भएको छ ।