निजी क्षेत्रको भ्रष्टाचार अख्तियारबाहिर राख्न ठूला दलकै चलखेल
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
बैशाख ११, २०८० सोमबार १५:४५:४२
![](https://nepalbahas.prixacdn.net/media/albums/340056759_783211683157626_2258239237940510752_n.jpg_HiifhwKhog_8rqtIDPKKN.jpg)
११ बैशाख, काठमाडौं । निजी क्षेत्र र विभिन्न गैरसरकारी संस्थामार्फत हुने भ्रष्टाचारलाई अख्तियार दुरुपयोग अनुसन्धान आयोगको कार्य क्षेत्रभित्र पार्ने गरी राष्ट्रिय सभाबाट पारित भएको विधेयक विरुद्ध ठूला राजनीति दलकै नेताहरूबाट चलखेल सुरु भएको छ । यो विधेयकप्रति असन्तुष्ट रहेको निजी क्षेत्रको दवावमा प्रमुख दलका शीर्ष नेताहरू नै यो विधेयक रोक्न पक्षमा देखिएका छन् ।
निजी क्षेत्रबाट भइरहेको चरम आर्थिक अनियमितताको पर्दाफास हुने भएपछि अहिले निजी क्षेत्रका प्रतिनिधिहरु विधेयकबाट यो प्रस्ताव हटाउन राजनीतिक शक्तिकेन्द्रको पछाडि लागेका छन् । अख्तियारलाई अधिकार क्षेत्र बढाउने गरी राष्ट्रियसभाले पारित गरेको विधेयकको व्यवस्था हटाउन प्रमुख दलहरूले संशोधन दर्तासमेत गरिसकेका छन् ।
राष्ट्रियसभाले अख्तियारले अनुसन्धान गर्ने र दोषी देखिएमा मुद्दा चलाउने गरी निजी क्षेत्र र पब्लिक कम्पनीसमेत अख्तियारको अधिकार क्षेत्रभित्र ल्याउन उक्त विधेयक पारित गरेको थियो । तर, प्रतिनिधिसभामा पुगेको उक्त विधेयकबाट सो व्यवस्था हटाउन अधिकांश दलहरूले संशोधन दर्ता गराएका छन् । राष्ट्रियसभाबाट पारित विधेयकको सो व्यवस्था हटाउन नेपाल उद्योग वाणिज्य महासंघ मुख्य लविङमा छ ।
नेपाल चम्बर अफ कमर्शले पनि सोमबार प्रतिनिधिसभाका सभामुख देवराज घिमिरेलाई भेटेर यो व्यवस्था नराख्न दवाव दिएको छ । महासंघका प्रतिनिधिले नेपाली कांग्रेस, नेकपा एमालेका शीर्ष नेता र प्रधानमन्त्री पुष्पकमल दाहाल प्रचण्डसँग भेटेर नै विधेयकबाट सो व्यवस्था हटाउन दवाव दिइरहेका छन् । उनीहरूको दवाव अनुसार दलहरूले प्रतिनिधिसभामा आएको यो विधेयकमाथि संशोधन प्रस्ताव हालेका हुन् । राजनीतिक दलका प्रमुख नेताहरू र प्रधानमन्त्रीसमेत अहिले यो विधेयकको विपक्षमा देखिएका छन् ।
सोमबार चेम्बर प्रतिनिधिले अख्तियारको क्षेत्राधिकार विस्तार गर्ने गरी प्रतिनिधिसभामा विचाराधीन संशोधन गरी यो प्रावधान हटाउन भनेका छन् । चेम्बरले निजी क्षेत्रलाई नियमन गर्ने छुट्टै नियामक निकायहरू भएकाले अख्तियारको क्षेत्राधिकार भित्र पार्दा व्यवसाय नै ठप्प पर्ने चेतावनी दिएको छ । सभामुख घिमिरेले भने यो विधेयकमा भएको प्रावधान निजी क्षेत्रमैत्री कानुन भएको बताएका थिए ।
यो विधेयकमाथि संशोधनको समय हिजो आइतबार सकिएको छ । कांग्रेस, एमाले, माओवादी केन्द्र, राष्ट्रिय स्वतन्त्र पार्टी, एकीकृत समाजवादी लगायतका दलहरूले निजी क्षेत्रलाई अख्तियारको अधिकार क्षेत्रमा नराख्ने प्रस्ताव गरेका छन् । अब दलहरूको संशोधन अनुसार प्रतिनिधिसभाबाट विधेयक पारित भएमा निजी क्षेत्र अख्तियारको अधिकार क्षेत्रबाट बाहिर आउने छ ।
विधेयकमा निजी क्षेत्रको भ्रष्टाचार, सरकारी अनुदान लिने गैरसरकारी संस्था, सर्वसाधारणमा शेयर जारी भएका पब्लिक कम्पनीका अनियमितता छानबिनको अधिकार क्षेत्र राष्ट्रियसभाले थप गरेको थियो । अधिकार क्षेत्र थप गर्ने विधायन व्यवस्थापन समितिको प्रतिवेदनमा निजी क्षेत्रको असन्तुष्टि रहेपछि रोकिएको विधेयक करिब तीन वर्षपछि पारित भएको हो । २०७७ जेठ २९ गते नै समितिले प्रतिवेदन तयार पारेको थियो । विरोधका कारण विधेयक पारित भएको थिएन ।
नेपाल उद्योग वाणिज्य महासंघ, नेपाल उद्योग परिसंघ र नेपाल बैकर्स एसोसिएसनले निजी क्षेत्रमा समेत अख्तियारको प्रवेशप्रति असन्तुष्टि जनाउँदै सच्याउन माग गरेका थिए । निजी क्षेत्रको विरोधपछि सहमतिमा तयार भएको प्रतिवेदनमा दलहरूको विरोध सुरु भएको थियो । तर लामो समयपछि पुरानै प्रतिवेदनका आधारमा राष्ट्रियसभाबाट यो विधेयक पारित गरी प्रतिनिधिसभामा गएको छ ।
राष्ट्रियसभाले पारित गरेको विधेयकले प्रचलित कानुनले स्थापना भएका सर्वसाधारणमा सेयर जारी गरेका पब्लिक कम्पनीलाई पनि अख्तियारको क्षेत्राधिकारमा राखेको छ । बैंक, वित्तीय संस्था, बीमा, मेडिकल कलेज र सम्बद्ध अस्पताल पनि अख्तियारको क्षेत्राधिकारमा आएका छन् । गैरसरकारी संस्था, पब्लिक कम्पनीतर्फ पनि क्षेत्राधिकार बढाइँदै गर्दा भ्रष्टाचार कसुरमा मुद्दा चलाइने हदम्याद भने सङ्कुचित गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपप्रमुख डंगोलसँग ल्हासा नगरको प्रतिनिधिमण्डलको भेटवार्ता
असार १२, २०८१ बुधबार
परराष्ट्रमन्त्री श्रेष्ठसँग चिनियाँ उपविदेशमन्त्री वेइडोङको भेटवार्ता
असार १२, २०८१ बुधबार
राष्ट्रपति पौडेलसँग चीनका उपविदेशमन्त्री वेइतोङको शिष्टाचार भेट
असार १२, २०८१ बुधबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अष्ट्रेलियालाई २१ रनले पराजित गरेपछि कप्तान राशिद खानले के भने ?
नेपालबहस संवाददाता
असार ९, २०८१ आइतबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
टोली सेमिफाइनलमा पुग्नेबित्तिकै अफगानिस्तानका सडकमा ट्राफिक जाम
असार ११, २०८१ मंगलबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
दाहालको दिनगन्ती सुरुः ‘जादुई नम्बर’मा छैन अब कुनै दम
असार ११, २०८१ मंगलबार
मार्ग खुलेको ढेड दशकपछि सडक कालोपत्र, स्थानीय हर्षित
असार १२, २०८१ बुधबार
अविरल वर्षाले जनपथ टोल डुबानमा
असार १२, २०८१ बुधबार
तरकारी बिक्री गरेर घर फर्किँदै महिला
असार १२, २०८१ बुधबार
‘निःशुल्क स्क्रिनिङ शिविर’ राखेर स्थानीय महिलाको पाठेघर र स्तन परीक्षण
असार १२, २०८१ बुधबार
कुरुवा खोलामा आएको बाढीले सडक जलमग्न
असार १२, २०८१ बुधबार