प्रमुख तीन दलका शीर्ष नेताबीच सिंहदरबारमा छलफल

११ बैशाख,काठमाडौं । सोचे विपरित उपनिर्वाचनको नितिजा आएपछि प्रमुख तीन दलका शीर्ष नेता छलफल मा जुटेको छ । उनीहरुबीच निर्वाचन समीक्षासहित संसदमा विचारधीन विधेयकबारे छलफल भइरहेको बताइएको छ । 

सर्वोच्च अदालतको प्रधानन्यायाधीश सिफारिसमा सहमति जुटाउने प्रयास स्वरुव बैठक बसेको हो बैठकमा प्रधानमन्त्री पुष्पक दाहाल प्रचण्ड, कांग्रेस सभापति शेरबहादुर देउवा र नेकपा एमालेका अध्यक्ष केपी शर्मा ओली उपस्थित छन् ।

छलफलमा एमाले उपाध्यक्ष तथा संसदीय दलका उपनेता सुवास नेम्वाङ, प्रमुख सचेतक पदम गिरी, कांग्रेस संसदीय दलका प्रमुख सचेतक रमेश लेखक र माओवादी केन्द्रका संसदीय दलका प्रमुख सतेक हितराज पाण्डे पनि सहभागी छन् । 

संसदीय समिति गठन, टिआरसी विधेयकबारे चैत २८ गते सभामुखको सरकारी निवास बालुवाटारमा सभामुख देवराज घिमिरेसहित प्रधानमन्त्री प्रचण्ड, देउवा र ओलीबीच छलफल भएको थियो ।  वैशाख ४ मा ओली निवास बालकोटमा प्रधानमन्त्री प्रचण्ड, सभामुख घिमिरे, सभापति देउवा र अध्यक्ष ओलीबीच छलफल भएको थियो । 
 
त्यसपछि प्रधानमन्त्री प्रचण्डले ओलीसँग छुट्टै छलफल गरेका थिए । विभिन्न चरणमा भएको छलफलमा सहमति जुट्न नसकेपछि आज पुन बैठक बसेको छ ।