बारामा पछि परे उपेन्द्र यादव, जनमतका शिवचन्द्र अगाडि

११ वैशाख, बारा । बारा २ को उपनिर्वाचनको सुरुवाती मतगणना परिणाममा अग्रता लिएका सत्ता गठबन्धनका उम्मेदवार जसपाका अध्यक्ष उपेन्द्र यादव पछाडि परेका छन् । 

उनलाई सिके राउत नेतृत्वको जनमत पार्टीका उम्मेदवार शिवचन्द्र कुशवाहले पछाडि पारेका हुन् । पछिल्लोपटक सार्वजनिक मत परिणाम अनुसार कुशवाहले ११४६ मत पाएका छन् भने यादवले १११७ मत पाएका छन् । 

यस्तै, एमालेका पुरुषोत्तम पौडेलले ५३८ र राष्ट्रिय स्वतन्त्र पार्टीका रमेश खरेलले २३६ मत र आम जनता पार्टीका अरुण ज्ञवालीले ७६ मत पाएका छन् ।
करैयामाई नगरपालिका वडा १ र २ को मतगणना गर्दा कुशवाहले अग्रता लिएका हुन् । 

मतगणना सूचारु रहेको मुख्य निर्वाचन अधिकृतको कार्यालयले जनाएको छ ।