कमोडिटी एक्सचेञ्जका लागि ४ कम्पनीको आवेदन

१२ वैशाख, काठमाडौं । धितोपत्र बजारमा वस्तु विनिमय बजार (कमोडिटी मार्केट) सञ्चालनका लागि ४ कम्पनीको आवेदन परेको छ ।

कमोडिटी मार्केटका लागि आवदेन दिने यही वैशाख १० गतेसम्मका लागि समयसीमा तोकिएको थियो । त्यसअवधिमा कमोडिट मार्केटका लागि मल्टी डेरिभेटिभ एक्सचेञ्ज लिमिटेड, मल्टी एसेट्स एन्ड डेरिभेटिभ एक्सचेञ्ज लिमिटेड, हिमालयन कमोडिटिज एण्ड डेरिभेटिभ एक्सचेञ्ज लिमिटेड र नेपाल मल्टी कमोडिटिज एक्सचेञ्ज लिमिटेडको आवेदनको परेको नेपाल धितोपत्र बोर्डले जनाएको छ ।

धितोपत्र कारोबारको सेवा तथा गुणस्तर स्वच्छ, निष्पक्ष, पारदर्शी र प्रतिस्पर्धी बनाई सर्वसाधारण लगानीकर्ताको पहुँच अभिवृद्धि गर्न धितोपत्र दलाल तथा धितोपत्र व्यापारी थप गर्न लागिएको बोर्डले जनाएको छ । 

यस्तै नयाँ स्टक एक्चेञ्जतर्फ भने हिमालयन, नेशनल र अन्नपूर्ण स्टक एक्सचेञ्ज लिमिटेडको आवेदन परेको बोर्डले जनाएको छ ।