सवारी चालक लाइसेन्स नवीकरणको समय १० वर्ष बनाइँदै

१२ वैशाख, काठमाडौं ।  सवारी चालक अनुमति पत्र (लाइसेन्स)को नविकरण अवधि बढाएर १० वर्ष पुर्याउने गृहकार्य सुरु भएको छ ।

भौतिक पूर्वाधार तथा यातायात व्यवस्था मन्त्रालयले पाँच वर्षमा नविकरण गर्नुपर्ने व्यवस्थालाई १० वर्ष पुर्याउने गरी गृहकार्य थालेको हो । 

मंगलबार पत्रकारहरुसँगको भेटघाट कार्यक्रममा बोल्दै यातायात मन्त्री प्रकाश ज्वालाले अबदेखि ड्राइभिङ लाइसेन्स नवीकरण गर्ने अवधि १० वर्ष पुर्‍याउने प्रक्रिया अगाडि बढेको जानकारी दिए । अवधि बढाएसँगै शुल्कमा वृद्धि गरिने भएको छ । 

अवधि बढाउँदा यातायात व्यवस्था कार्यालयहरुमा नविकरणसम्बन्धी देखिएका समस्यामा केही कमी आउने उनले दाबी गरे । नयाँ प्रबन्धबारे सरोकारवाल पक्ष र सम्बन्धित निकायहरुसँग छलफल भइरहेको उनले बताए ।