शेयरबजारमा हरियाली, १७.३६ अंकले बढ्यो नेप्से

१२ वैशाख, काठमाडौं । साताको तेस्रो कारोबार दिन मंगलबार शेयरबजारमा हरियाली छाएको छ । यसअघि सोमबार २.७२ अंकले बढेको शेयर बजार मंगलबार दोहोरो अंकले वृद्धि भएको छ । नेप्से परिसुचक १७.३६ अंकले बढेर १९०५.६८ विन्दुमा पुगेको छ । मंगलबार १३ उपसुचकहरु मध्ये म्युचुअल फण्ढ बाहेका सबै कम्पनीहरुमा उकालो लागेको छ । 

यसैगरी, २६४ कम्पनीको २७ लाख ५७० कित्ता शेयर कारोबार हुँदा ८८ करोड ५५ लाख रुपैयाँभन्दा बढी रुपैयाँको कारोबार भएको हो । सबैभन्दा धेरै सिवम सिमेन्टको ७ करोड रुपैयाँको शेयर किनबेच भएको हो। यसैगरि कालिञ्चोक दर्शन को ३ करोड रुपैयाँभन्दा बढिको शेयर कारोबार भएको छ ।

यसैगरि मंगलबार तारागाउँ रिजेन्सी होटल लिमिटेड ८ प्रतिशत र खप्तड वितिय संस्था ७.८५ प्रतिशतले बढेको छ । यि कम्पनीले सर्वाधिक कमाएका छन् ।