सहिद स्मारक ए डिभिजन लिगअन्तर्गत ३ खेल हुँदै

१३ वैशाख, काठमडौं । सहीद स्मारक ए डिभिजन लिग फुटबलअन्तर्गत आज तीन खेल हुँदैछन्  यीमध्ये दुई खेल त्रिपुरेश्वरस्थित दशरथ रंगशाला र एक खेल च्यासल मैदान ललितपुरमा हुनेछन् । 

दशरथ रंगशालामा हुने पहिलो खेलमा थ्री स्टार क्लब र मच्छिन्द्र फुटबल क्लबबीच प्रतिस्पर्धा हुनेछ । थ्री स्टार र मच्छिन्द्रबीचको खेल दिउँसो ३ बजे सुरु हुने जनाइएको छ । 

रंगशालाको दोस्रो खेलमा हिमालयन शेर्पा र जावलाखेल यूथ क्लबबीच खेल हुनेछ । हिमालयन र जावलाखेलबीचको खेल साँझ ६ बजे सुरु हुनेछ । उता, च्यासल मैदानमा हुने दिउँसो ३ बजेको खेलमा सातदोबाटो यूथ क्लब र संकटा क्लबबीच हुनेछ ।