‘नक्कली’ नागरिकता प्रकरणमा वडाध्यक्ष तानिए

१३ वैशाख, काठमाडौं । ‘नक्कली’ नागरिकता लिएको घटनामा रामेछापको मन्थली नगपालिका वडा नं. ७ का वडाअध्यक्ष तानिएका छन् । 

आमा बुबा खडा गरेर अनाधिकृत रुपमा नागरिकता दिलाउने र लिने कार्यमा जिल्ला प्रशासन कार्यालय रामेछापले वडाध्यक्ष भुवनहरि प्रसाईमाथि छानबिन सुरु गरेको जनाएको छ । 

अनाधिकृत रुपमा एक महिलाले नक्कली आमा बुबा खडा गरेर नागरिकता लिएको खुलासा प्रसाईँले नै उक्त नागरिकता खारेजीको लागि निवेदन दिएका थिए । ‘नक्कली’ नागरिकता दिलाउन झुक्याएर आफूलाई सिफारिस गर्न लगाएकाे विषय पछि मात्र थाहा भएकाे दाबी उनले गरेका छन् ।

सो बमोजिम प्रशासन कार्यालयमा नागरिकता लिने सुजु थोकर, उनलाई नागरिकता दिलाउन बुबा बनेका राजमान तामाङ र आमा बनेकी राजमानकी श्रीमती एलिना तामाङ तथा सुजुको जन्म दर्ताृ प्रमाणपत्र बनाउने वडा सचिव श्यामकिशोर साहलाई साेधपुछका लागि बोलाइएको छ ।