सुदूरपश्चिम लोकसेवा आयोगद्वारा प्राविधिकतर्फ कर्मचारी माग

१४ वेशाख, काठमाडौं । सुदूरपश्चिम लोकसेवा आयोगले बिहीबार एक सूचना जारी गर्दै प्राविधिकतर्फ कर्मचारी माग गरेको छ ।

सूचनाअनुसार सहायक चौथो प्राविधिकतर्फ विभिन्न पदपूर्तिको लागि आवेदन आह्वान गरिएको छ । खुला तथा समावेशी कोटामा प्रतियोगितामार्फत पदपूर्ति गर्ने जनाइएको छ । 

खुलातर्फ असिस्टेन्ट सव इञ्जिनयिर, इन्जि. सिभिल पदमा ३१, सोही पदमा आदिवासी जनजातितर्फ १२, महिलातर्फ ११ मधेसीतर्फ ५ तथा खानेपानी सरसफाई टेक्निसियन (इन्जि., सेवा, सिभिल, स्यानिटरी) तर्फ खुला ४, अमिन (इन्जि. सर्भे) खुला ८ गरी विभिन्न तहमा परी कुल १६९ जना कर्ममारी माग गरिएको छ ।

आवेदकका लागि विभिन्न शीर्षकमा योग्यता तोकिएको छ । १८ वर्ष पूरा भइ ३५ वर्ष ननाघेका उम्मेदवारले आवेदन दिन सक्ने सूचनामा उल्लेख छ । तर महिला तथा अपांगता भएका उम्मेदवारको हकमा ४० वर्ष उमेरसम्मकाले आवेदन दिन सकिने जनाइएको छ । 

योग्यता पुगेको उम्मेदवारले अनलाइनमार्फत् फारम भर्न सक्नेछन् । आवेदन दिने अन्तिम समय आगामी जेठ ३ गते र दोब्बर दस्तुर तिरेर जेठ १० गतेसम्म दिइएको छ । अनलाइन मार्फत पनि आवेदन फारम भर्न सकिने आयोगले जनाएको छ ।