पत्रकार बञ्जारामाथि करणीकाे आरोप, निष्पक्ष छानबिन गर्न महासंघको माग

१४ वैशाख, हेटौंडा । नेपाल पत्रकार महासंघ मकवानपुरले पत्रकार इन्द्रप्रसाद बञ्जारामाथि लागेको बलात्कारको आरोपमाथि सत्यतथ्य छानबिन गर्न माग गरेको छ । 

बिहीबार मकवापुर शाखाका अध्यक्ष मणिराज गौतमले विज्ञप्ति निकालेर पत्रकार बञ्जारा पक्राउ परेको सम्बन्धमा महासंघ मकवानपुरको ध्यानाकर्षण भएको उल्लेख गर्दै घटनाको निष्पक्ष रुपमा छानबिन गरेर सत्यतथ्य बाहिर ल्याउन सम्बन्धित निकायसँग माग गरेका छन् । 

महासंघ मकवानपुर सदस्य बञ्जारालाई एक महिलाले आफूलाई जबर्जस्ती शारीरिक सम्पर्क राख्न बाध्य पारेको आरोप लगाउँदै प्रहरीमा जाहेरी दिएपछि बञ्जारालाई प्रहरीले पक्राउ गरेको छ । 

अनुसन्धानमा विलम्ब नगर्न र सत्यको पक्षमा न्याय निरुपणका लागि सरोकारवाला अन्य निकायलाई महासंघ शाखाले आग्रह गरेको छ ।