भारतमा एकै दिन कोरोनाका २६ बिरामीले ज्यान गुमाए

१४ वैशाख, एजेन्सी । अघिल्ला दुई दिनको तुलनामा आज भारतमा कोरोनाका बिरामी घटेका छन् । बुधबारको तुलनामा आज कोभिडका बिरामी घटेका केन्द्रीय परिवारस्वास्थ्य मन्त्रालयले जनाएको छ । 

मन्त्रालयका अनुसार बुधबार नौ हजार छ सय २९ जनामा संक्रमण पुष्टि भएको थियो भने आज नौ हजार तीन सय ५५ जना संक्रमणको शिकार भएका प्रयोगशाला परीक्षणबाट प्रमाणित भएको छ ।

यो संक्रमण रोगबाट आज २६ जनाले ज्यान गुमाएका छन् । मंगलबार छ हजार नौ सय ३४ जना संक्रमित थपिएका थिएभने सोमबार छ हजार तीन सय जना बिरामी फेला परेका थिए । 

हाल भारतमा ५७ हजार चार सय १० जना सक्रिय संक्रमित छन्, भने चार करोड ४३ लाख ३५ हजार नौ सय ७७ जनाले कोभिड–१९बाट पूर्ण स्वास्थ्यलाभ गरेका उक्त मन्त्रालयले जनाएको छ ।