रवि लामिछानेका चालकको अवस्था चिन्ताजनक

१५ वैशाख, काठमाडौं । राष्ट्रिय स्वतन्त्र पार्टीका सभापति तथा नवनिर्वाचित सांसद रवि लामिछानेका चालक दिलबहादुर थापाको उपचार अझै भेन्टिलेटरमा गराइरहेका छन् । 

गत वैशाख ४ गते चितवनको भरतपुरस्थित लामिछानेको घरको छतबाट खसेका थापाको अहिले मेडिसिटी अस्पताल ललितपुरमा भेन्टिलेटरमा राखेर सघन उपचार भइरहेको छ । उनको मस्तिष्कमार गम्भीर चोट रहेको र अवस्था ‍चिन्ताजनक अवस्था रहेको उपचारका संलग्न चिकित्सकहरुले जनाएका छन् । 

सभापति लामिछाने चुनावी प्रचारमा रहेका बेला चितवन पुगेका थापा वैशाख ४ गते बिहान ४ बजेतिर थापा घरको छतबाट खसेका थिए । भरतपुरमा उपचार संभवन नभएपछि उनलाई हेलिकप्टरबाट मेडिसिटीमा उपचार थालिएको थियो ।

लामिछाने चुनाव जितेर शुक्रबार मात्र सांसदको शपथ लिएका छन् । उनी आज बसेको प्रतिनिधिसभाको बैठकमा सहभागी भएका छन् । उनले चुनाव प्रचारका बेला थापा छतबाट झरेको घटनालाई आफूसँग जोडेर अतिरञ्जित गरेको भन्दै सामाजिक संजालबाट समेतर आपत्ति समेत जनाएका थिए । तर पछिल्लो समयमा उनले थापाको स्वास्थ्यबारे कुनै माध्यमबाट केही बताएका छैनन् । 

सँगै सुतेका बेला थापा खसेको पाइएपछि रास्वपाका महामन्त्री डाक्टर मुकुल ढकालका चालकलाई नियन्त्रणमा लिएको थियो ।