कांग्रेसका महामन्त्रीद्वय गगन र विश्वप्रकाश राज्य व्यवस्था समितिमा

१५ वैशाख, काठमाडौं । सरकारका प्रमुख घटक नेपाली कांग्रेसका महान्त्रीद्वय गगनकुमार थापा र विश्वप्रकाश शर्मा शुक्रबार गठित राज्य व्यवस्था तथा सुशासन समितिमा परेका छन् । 

शुक्रबार बसेको प्रतिनिधिसभाको बैठकम सभामुख देवराज घिमिरे प्रस्तुत गरेका २५ सदस्यीय उक्त समितिमा रहने सदस्यहरुको नाम सूचीमा दुवै जना रहेका हुन् । 

संसदमा यो समिति महत्वपूर्ण मानिन्छ । नवनिर्वाचित सांसद एवं राष्ट्रिय स्वतन्त्र पार्टीका सभापति एवं सांसद रवि लामिछाने पनि यसै समितिमा परेका छन् ।  यिनै सदस्यमध्येबाट समिति सभापति चयन गर्नेछन् ।

दलहरुबीच भागबण्डा नमिल्दा संसद गठन भएको ५ महिनापछि बल्ल आज समिति गठन भएको हो ।