नयाँ स्टक एक्सचेञ्ज छनोटका गठित समितिको संयोजकमा सहसचिव गौतम

१७ वैशाख, काठमाडौं । नोपल धितोपत्र बोर्डले नयाँ स्टकको छनोट समिति गठन भएको छ । समिति संयोजकमा सहसचिव फणिन्द्र गौतम चयन भएका छन् । 

आइतबार बसेको बोर्डको संचालक समितिको बैठकले गौतमको संयोजकत्वमा ५ सदस्यीय समिति गठन गरेको हो । समितिले नयाँ स्टक एक्सचेन्जको लाइसेन्सको निवेदन मूल्यांकन र छनौट गर्नेछ । सदस्यहरुमा रितेशकुमार शाक्य, मुकुन्दकुमार क्षेत्री, मुक्तिनाथ श्रेष्ठ र एक जना राष्ट्र बैंकबाट छन् । 

धितोपत्र बजार संचालनका लागि संगठित संस्था स्थापना गर्न बोर्डबाट सिफारिस प्रदान गर्ने सम्बन्धी निर्देशिका, २०७९ का आधारमा अंक दिइनेछ । कम्पनीहरुलाई अंकभारको आधारमा गणना गर्नेछ । नयाँ स्टकका लागि हिमालयन, नेशनल र अन्नपूर्ण कम्पनीको आवेदन परेको छ । 

यस्तै कमोडिटीतर्फ आवेदन परेका छन् । कमोडिटीका निवेदकलाई मूल्यांकन गर्न भिन्नै समिति गठन गरिने भएको छ ।