वार्षिक पाँच लाखभन्दा बढीको बीमामा आम्दानीको स्रोत खुलाउनै पर्ने

१९ वैशाख, काठमाडौं । वार्षिक पाँच लाखभन्दा बढीको बीमा गर्नेले अनिवार्य रुपमा आन्दानीको स्रोत खुलाउनुपर्ने भएको छ । 
आम्दानीको स्तरभन्दा माथि बीमा गराउँदा पोलिसी सरेण्डर र अपराधजन्य घटना बढ्दै गएको भन्दै नेपाल बीमा प्राधिकरणले यस्तो नियम ल्याएको हो । 
वार्षिक रुपमा पाँच लाख रुपैयाँभन्दा बढी रकम बुझाउने बीमामा बीमा शुल्क भुक्तानी गर्ने बीमितको आम्दानीको स्रोत खुलेको कागजात अनिवार्य गराउन बीमकहरुलाई निर्देशन दिएको छ । जीवन बीमासम्बन्धी निर्देशिकामा संशोधन गर्दै यस्तो प्रावधान ल्याइएको हो ।

स्रोत नखुलाई बीमा गरिएको पाइएमा त्यस्ता बीमा कम्पनीमाथि बीमा ऐनअनुसार कारवाही गरिनेछ । कमिशनको लोभमा बीमा अभिकर्ताहरुले बीमा गराउन दबाब दिने क्रम बढेको भन्दै सचेत समेत गराइएको छ ।