नर्स अनुमा मृत्यु प्रकरणमा कान्तिका डा. ढकाल पक्राउ

१९ वैशाख, काठमाडौं । काठमाडौंको वीर अस्पतालमा कार्यरत स्टाफ नर्स चितवनकी अनुमा श्रेष्ठको मृत्यु प्रकरणमा प्रहरीले कान्ति बाल अस्पतालका डा. सुजन ढकाललाई पक्राउ गरेको छ । 

काठमाडौँ महानगरपालिका–१६ बोहराटारस्थित डा. ढकालको घरमा शनिबार झुण्डिएको अवस्थामा मृत भेटिएकी अनुमाको हत्या भएको आशंका गरिएको थियो ।

सोही घटनामा मृतककी बुबा मुरलीप्रसादले ढकालविरुद्ध किटानी जाहेरी परेपछि अनुसन्धानका लागि प्रहरीले ढकाललाई काठमडौंबाट पक्राउ गरेको हो । अनुमाको शव नजिकै प्रहरीले फेला पारेको पत्रमा ढकालसँग प्रेम सम्बन्ध रहेको र दुईपटक गर्भपतन समेत गराइएको उल्लेख रहेको प्रहरीले दाबी गर्दै आएको छ ।

ढकालले विवाह गर्न नमान्दा आफूले जीवनसँग बिदा लिने निर्णय लिएको समेत उल्लेख भएको पाइएको थियो । पक्राउ परेका डा. ढकाललाई बालाजु प्रहरी वृत्तमा राखिएको छ ।