धितोपत्र बोर्डले गर्यो निर्देशिका संशोधन

१९ वैशाख, काठमाडौं । नेपाल धितोपत्र बोर्डले ‘धितोपत्र निष्काशन तथा बाँडफाँड निर्देशिका २०७४’ संशोधन गरेको छ । गत चैत २९ गते बसेको सञ्चालक समितिको बैठकबाट संशोधन गरिएको हो ।

शेयरको दोस्रो बजारमा आउन चाहने कम्पनीलाई अन्तर्राष्ट्रिय अभ्यास अनुकुल बनाउन धितोपत्र निष्काशन तथा बाँडफाँड निर्देशिका संशोधन गरिएको बोर्डले जनाएको छ । निर्देशिकामा कायम रहेको खुद सम्पतिसम्बन्धी व्यवस्थामा संशोधन गरिएको जनाएको छ । 

बोर्डले नयाँ स्टक एक्सचेञ्चको नयाँ लाइसेन्स पनि बाँड्ने तयारी गरेको छ । त्यसनिम्ति प्राप्त आवेदनमाथि अध्ययन र छनौटका लागि सहसचिव फणिन्द्र गौतमकाे नेतृत्वमा ५ सदस्यीय समिति समेत गठन गरिसकेको छ ।