दार्चुलाको व्याँसमा हिमपहिरो

१९ वैशाख, दार्चुला । दार्जुलको व्याँस गाउँपालिका–१ भोमिनमा हिमपहिरो गएको छ । मंगलबार दिउँसो गएको हिमपहिरोबाट यार्सागुम्बा टिप्न गएका सर्वसाधारण प्रभावित भएको जिल्ला प्रहरी कार्यालय दार्चुलाले जनाएको छ । 

प्रहरीका अनुसार नाम्पा हिमाल नजिकको क्षेत्रमा यार्सागुम्बा संकलन गर्न पुगेका स्थानीय बसोबास रहेको क्षेत्रमा हिमपहिरो खसेको हो । भोमिनमा यार्सागुम्बा टिप्न गएका ८÷१० जना त्रिपाल टाँगेर बसेका थिए । केही व्यक्तिहरु हिमपहिरोमा पुरिएको आशंका गरिएको प्रहरीले जनाएको छ ।
अहिले उक्त क्षेत्रतर्फ सितापुल प्रहरी चौकीबाट प्रहरी र सशस्त्र प्रहरी बलको ५० नम्बर गुल्म छाङरुबाट डीएसपीको कमान्डमा ३० जनाको टोली गएको छ ।